Maqedonia ne krizë, po përsëritet Qeveria e 2001-it?

Numri i postimeve : 804 Age : 36 Registration date : 08/01/2008

Pas daljes së Partisë Demokratike Shqiptare nga Qeveria, sot edhe Partia për Prosperitet Demokratik bëri të ditur se lëshon koalicionin qeveritar.
nga Bekim Buçi

Në këtë parti thonë se duke marrë parasysh situatën e krijuar në koalicionin qeveritar, kanë marrë hap për të dalë nga koalicioni qeveritar. “Konsiderojmë se kjo është në të mirë të mbrojtjes pa hile të interesave legjitime të shqiptarëve, interesa që duhet të integrohen realisht dhe në mënyrë të barabartë”, thonë në këtë parti.
Ambasadori i Bashkimit Evropian (BE), Ervan Fuere, ka deklaruar se vetëm me Qeveri të bashkuar mund të vihet deri në bisedime për anëtarësim në BE. “Që të vihet deri në bisedime për anëtarësim në BE, me rëndësi vitale është që Qeveria të mbetet e bashkuar”, tha Fuere. Sipas tij, Qeveria e bashkuar e koalicionit është mesazhi që e transmetoi diplomati evropian pas takimit me liderët e PDSH-së dhe të BDI-së, Menduh Thaçi dhe Ali Ahmeti. Për përgjigjen e pyetjes për koalicion të gjerë, ai udhëzon në kryeministrin Nikolla Gruevski, edhe pse e di që në koalicionin qeveritar është diskutuar për këtë temë.
BDI, LSDM dhe PRSD janë përmbajtur sa i përket mundësive për koalicion të zgjeruar qeveritar, apo ndonjë lloj tjetër qeverisjeje. Në BDI në lidhje me zërat për formimin e koalicionit të zgjeruar qeveritar dhe eventualisht bashkëngjitjes së kësaj partie në koalicion, do të prononcohen të premten.
LSDM-ja i bën thirrje kryeministrit Gruevski që të dalë para opinionit dhe të tregojë se a ekziston qeveria dhe cilat janë hapat e ardhshëm. “PDSH-ja duhet të definojë qëndrimin e saj dhe të mos kërcënohet, ndërsa Gruevski duhet patjetër që pas një jave ikje t’i tregojë opinionit nëse në Maqedoni ka qeveri, kush e udhëheqë, kush e mbështetë dhe cilat janë hapat e ardhshëm deri më 2 prill”, tha kryetarja e LSDM-së, Radmilla Sheqerinska.
Kryetari i PRSD-së, Tito Petkovski, tha se dalja e PDSH-së nga Qeveria nuk është e mirë për shkak se nuk është zgjedhur momenti.
Kryesia e PDSH-së e pranoi propozimin e liderit të partisë Menduh Thaçi për dalje nga Qeveria. Këtë vendim pritet ta verifikojë edhe Kuvendi qendror i partisë të enjten në Saraj, me të cilin do të udhëheqë kryetari i Kuvendit, Arben Xhaferi.

Cërvenkovski: Maqedonia mbeti pa Qeveri

Kryetari i shtetit, Branko Cërvenkovski tha se vendi është në krizë të thellë politike dhe për këtë kërkoi takim të liderëve më së voni të hënën me qëllim që të gjendet zgjidhje për dalje nga kriza momentale. “Zgjedhje të parakohshme dhe eventualisht koalicion i zgjeruar nuk do të zgjidhte krizën momentale në Maqedoni”, tha Cërvenkovski. Sipas tij, dalja e PDSH-së do të thotë se Maqedonia ka mbetur pa Qeveri.

Hashim Thaçi s’ka koment për kolapsin e Qeverisë

Kryeministri i Kosovës, Hashim Thaçi ka thënë se është në interes të Kosovës që Maqedonia të ketë institucione të stabilizuara. Ai nuk ka dhënë ndonjë koment rreth kolapsit që po përjeton Qeveria e Shkupit pas largimit të PDSH-së nga koalicioni me VMRO-DMPNE-në. Thaçi është shprehur se ndërmjet Kosovës dhe Maqedonisë nuk ka mospajtime, ndërsa ka treguar gatishmërinë e Prishtinës për të bashkëpunuar për caktimin e kufirit. “Është në interesin e jashtëzakonshëm për Kosovën paqja dhe stabiliteti në Maqedoni, funksionimi i institucioneve dhe tashmë kemi ecur përpara në drejtim të zgjidhjes së çështjes së ngritur të demarkacionit mes autoriteteve të Prishtinës dhe Shkupit me mbështetje të plotë të NATO-s”, ka komentuar Thaçi.