Mark Zuckerberg, ideja që e bëri miliarder

Numri i postimeve : 804 Age : 36 Registration date : 08/01/2008

Mark Zuckerberg, vetëm 23 vjec, është më i riu në klasifikimin e më të pasurve në botë, të publikuar nga revista prestigjioze “Forbes”.
Quhet Mark Zuckerberg, 23 vjeç, student në Harvard. Është shpikësi i komunitetit në rrjetin ‘facebook’ dhe pavarësisht moshës së re, ka në portofolin e tij një pasuri personale të vlerësuar rreth 1.5 miliardë dollarë.

Origjina
Ka lindur më 14 maj 1984 nga një familje me edukim të mirë dhe që kërkonte t’i jepte një shkundje jetës së tij studentorë në Harvard. Ia arriti duke shpikur ‘facebook’, një network shoqëror që aktualisht mbledh rreth 8 milionë studentë të shpërndarë nëpër 2000 kampuse dhe shumë më tepër njerëz anekënd botës. Së bashku me shokët e tij të shkencave kompjuterike dhe gjithashtu dhe ata të dhomës si, Andrew McCollum, Dustin Moskovitz e Chris Hughes, arriti të ndërtojë një ndër rrjetet më të klikuara shoqërore, që pati një shpërndarje të madhe në të gjithë Amerikën dhe jo vetëm. Një projekt i parë si detyrë kursi, u lejoi atyre të shikonin listat e studentëve të regjistruar në klasa të njëjta në Harvard. Më tej vijnë përpjekjet për ta përmirësuar dhe për ta hedhur on-line këtë projekt, gjë që u bë e mundur në 4 shkurt të vitit 2004, ku facebook.com prodhimi përfundimtar i projektit u lancua nga dhoma e tij. Pati një sukses vërtet të madh në Havard, me 2/3 e studentëve të regjistruar që në javët e para. Kjo bëri që Zuckerberg të vendoste të shpërndante facebook-un dhe nëpër universitete të tjera si Stanford, Columbia e Yale dhe kolegje të tjera në Boston. Në verën e vitit 2004, dy shokët Zuckerberg dhe Moskovitz transferohen në Kaliforni me planet për t’u rikthyer në Harvard në vjeshtë, por më pas vendosën të qëndronin dhe të merrnin një leje nga universiteti. Në Palo Alto, (Kaliforni) gjithçka nisi me një shtëpi me qira, ku pak muaj më vonë do të hapnin edhe zyrat e tyre të para. Sot kompania disponon katër ndërtesa në qendër të kësaj zone, duke formuar atë që Zuckerberg e quan “qyteti-kampus”
Përplasjet
Gjatë rrugës drejt suksesit dhe të bërit miliarda faqe idesë së tij për sitin shoqëror ‘facebook;, Mark Zuckerberg ka qenë disa herë i akuzuar për shkelje të privacisë dhe shkelje kontrate. Në projektin e parë kur ai ishte ende një student në Harvard, katër orë përpara se versioni i tij të hidhej on-line, u tërhoq nga funksionarë administrativë. I dërguar përpara këshillit të administrimit të universitetit të Harvardit, ai u akuzua për shkeljen e sigurisë së kompjuterave dhe të internetit, si dhe për shkelje të normave të privacisë dhe pronës intelektuale. Një tjetër përplasje ka qenë dhe ajo me kompaninë ‘ConnectU LLC’, e cila i kërkoi Zuckerbergut dëme, për një të ashtuquajturën shkelje të kontratës.
Klasifikimi
Renditet së bashku me emrat e njerëzve më të famshëm dhe të pasur të planetit, si Warren Buffett, Bill Gates, Roman Abramovich, Silvio Berluskoni etj, dhe pse familja e tij nuk ka një pasuri e cila matet me gjashtë zero. Gjithçka ai zotëron, e ka arritur falë shpikjes së tij, rrjetit të komunitetit më të famshëm në botë