Procesi deri te vendimi për pavarësi, në drejtim të duhur...

Numri i postimeve : 804 Age : 36 Registration date : 08/01/2008

Sejdiu: Procesi deri te vendimi për pavarësi, në drejtim të duhur

- Presidenti i Kosovës, Fatmir Sejdiu tha sot procesi deri te vendimi për pavarësi është duke ecur në drejtim të duhur, ndërsa tha se deri të shpallja e saj Kosova duhet t'i kryejë edhe disa obligime. Pas takimit me shefin e UNMIK ut, Joakim Ryker dhe zëvendësin e tij, Lari Rosin, Presidenti Sejdiu theksoi se ishte një përgëzim për mandatet që kanë marrë si një garanci e qëndrueshmërisë të institucioneve të Kosovës dhe funksionimit të tyre. "Presim që shumë shpejt në këtë kohë të koordinimeve tona të shkojmë edhe në një vendim, por do të ketë nevojë që të bëjmë një pjesë të obligimeve tona të rëndësishme", tha Presidenti Sejdiu. "Ne jemi në koordinime të vazhdueshme, dhe unë nuk mund ta them datën si datë asnjëherë deri në moment që do të vijë koha, e që besoj se kjo do të ndodhë shumë shpejt, por janë koordinime që i kemi bërë me partnerët e Kosovës dhe me vendet që kanë mbështetur dhe që mbështesin fuqishëm ecjen tonë dhe vizionin tonë për pavarësi, projektin e Ahtisarit", u shpreh Presidenti Sejdiu. Ai tha se janë në komunikime të vazhdueshme me SHBA, BE dhe në këtë kuadër me vendet e botës demokratike. "Do të jemi bashkë në këtë periudhë të mbetur të kohës dhe në kuptimin që ka të bëjë me statusin. Korniza kohore dihet, por datën s'mund ta them", theksoi Presidenti Sejdiu. I pyetur nëse do të ishte e nevojshme formimi i një Ekipi të Untitetit pas formimit të institucioneve të reja, Presidenti Sejdiu tha se nuk thotë që do të formohet Ekipi i ri i Unitetit, por do të vazhdojë puna në mënyrën më të mirë të mundshme. "Është shumë e qartë se kemi një strukturë të re të institucioneve dhe do të analizojmë bashkë, por duhet them se anëtarët e EU kanë punuar mirë dhe kanë bartur barrën shumë të rëndë në një kohë shumë të djeshme", u shpreh Presidenti Sejdiu. Ndërkaq, pas kërkesës së drejtpërdrejtë që i është bërë Presidentit të Kosovës nga AAK ja për mundësinë që të jetë pjesë e Kryesisë së Kuvendit, Presidenti Sejdiu e ka njoftuar shefin e UNMIK ut për ketë çështje. "Do të shikoj mundësinë PSSP të amadamentimit të kornizës në fazën çfarë të bëhet dhe të jetë pjesë e proceseve". Në anën tjetër, shefi i UNMIK ut, Joakim Ryker tha se me Presidentin Sejdiu kanë biseduar për çështje që kanë të bëjnë me procesin e statusit. "Presidenti Sejdiu më ka informuar se ai dhe partitë politike do të dëshironin që unë të ndryshojë Kornizën Kushtetuese që të krijojë hapësirë në mënyrë që AAK ja ta ketë ta anëtarin e vet në kryesinë e Parlamentit", tha Ryker, duke shtuar se pasi që kjo është vullnet politik që të ketë një formulë gjithëpërfshirëse për Kryesinë e Kuvendit, është i prirur që të akomodojë këtë çështje duke ndryshuar Kornizën Kushtetuese. "Është vendimtare këto ditë që të kemi formula gjithëpërfshirëse për këtë periudhë shumë të rëndësishme para nesh dhe unë këtë kërkesë e kam pranuar sot", tha Ryker. Ndërkaq, zëvendës shefi i UNMIK ut, Lari Rosin nga ana e tij ka shprehur kënaqësinë që sërish ndodhet këtu për të punuar me institucionet e vendit, si dhe ka falënderuar Presidentin Sejdiu për mikpritjen e ngrohtë. Ai ka vlerësuar se kjo është një periudhë e rëndësishme në historinë e Kosovës dhe ka edhe shumë punë për të bërë dhe se ai ndodhet për herë të tretë në Kosovë, dhe ka ndjenjën se ndodhet serish në shtëpi dhe i vjen mirë që është kthyer.

Marrur nga Gazeta QIK !