SHPËTONI QAFËN!

Titulli: SHPËTONI QAFËN! Sat 8 Mar 2008 - 17:33

Në zonën midis kokës dhe shpatullave ne meshkujve na shfaqen probleme të shumta. Dhe ja se si mund të “mbytemi” për pak çaste! Me pak fjalë, të tjerët do thonë me shaka apo jo: “Ai theu qafën!”. Seriozisht tani: të vetmet faza, kur i kushtojmë vëmendje qafës tonë, janë ato momente kur vuajmë nga dhimbjet e fytit (të brendshme apo të jashtme), të cilat shkaktohen nga prerjet gjatë ruajtjes dhe deri tek inflamacionet të një natyre infeksioni. Për këtë arsye, po ju tregojmë një guidë parandalimi dhe trajtimi të problemeve “të mbytshme“ të qafës

Problemi 1: PRERJE NGA RRUAJTJA
Ke një mbledhje të rëndësishme me shefin tënd këtë mëngjes? Atëherë, me siguri kjo është edhe dita kur fyti juaj do të gërvishtet nga brisku i rrojës, ndërsa gjaku do të lërë njolla mbi këmishën e bardhë dhe të re, - e cila, mbi të gjitha, - është edhe e vetmja e hekurosur në shtëpinë tuaj. Fatkeqësisht, nuk ke se si se si të parandalosh këtë prerje, sepse brisku ka kaluar, do apo s’do, në zonat me kthesa të fytyrës. Por, ti mund të ulësh numrin e aksidenteve dhe rrjedhjen e madhe të gjakut.
Zgjidhja: Kur kalon briskun në zonën e mjekrës, bëje këtë veprim me disa lëvizje të shkurtra, pasi brisku vetëm në këtë mënyrë nuk do “të kapet” në kthesat e lëkurës tënde. Në qoftë se çahesh, fshije gjakun; më pas vendos një kartpicetë të lagësht me lëngun që ndodhet në hundë (kur je me rrufë, do kesh më shumë fat!). Këto të fundit përmbajnë Fenilefrinë, një përbërje e cila kontrakton enët e gjakut dhe ndalon gjakun në vetëm pesë minuta.

Problemi 2: PUÇRRAT
Puçrat e irrituara të fytit tënd nuk janë një shenjë që po rikthehesh sërish në adoleshencë. Përkundrazi, do të thonë që mjekra juaj (pjesa e poshtme) është mjaftueshëm e trashë për të krijuar një lëkurë të fortë, ku mund të ngulësh me lehtësi një gozhdë. Disa prej fijeve të trasha dhe me honde, qëndrojnë nën lëkurë edhe pas rruajtjes rriten nën tegument, duke krijuar skuqjen e lëkurës dhe daljen e puçrrave.
Zgjidhja: Këshillohet të rruhesh me një aparat elektrik ose në rastin më të keq me brisqe disa-përdorimshme të një cilësie të mirë, me qëllim që të largosh edhe kokën (rrënjën) e qimeve të fytyrës tënde. Pas kësaj, përdor një furçë të butë për të “masazhuar” fytin me lëvizje të vogla dhe rrethore; këto do t´ju ndihmojnë të shpëtoni nga qimet e mbetura, përpara se këto të fundit të infektohen.

Problemi 3: “THERRJE NË FYT”
Nuk mundësh të kthesh kokën nga biondja që po shikon nga e majta? Upss një tjetër, nga e djathta tënde!...Ndoshta vuan një nga problemet e mëtejshme: Kontraktura muskulore. Këto lloje problemesh janë, zakonisht, të shkaktuara nga fjetja në një pozicion të papërshtatshëm, fakt i cili të çon në tensionimin e muskujve occipito-nucali (të ndodhura pas fytit).
Zgjidhja: Për të çlodhur muskujt dhe zbutur dhimbjen, bëj një dush me ujë të nxehtë prej pesë minutash, ku me medoemos duhet të lësh ujin të rrjedhë në qafën tuaj. Më pas vendosni mjekrën tuaj mbështetur mbi gjoks dhe lëre ashtu për një gjysmë minute. Jepini njëherë kokës mbrapa (shiko si është lyer tavani për shembull), qëndro paksa dhe më pas rikthehu në pozicionin fillestar. Në qoftë se do të bësh këtë ushtrim çdo mëngjes, do të parandalosh dhimbjet sipërfaqësore. Shok nga “prerja me brisk”: Në mënyrë teknike, është një marrje mendsh e lehtë atëherë kur çoni fytin përpara dhe tepër shpejt nga mbrapa. Ky problem mund të shfaqet edhe kur vozitni makinën tuaj dhe dikush ju përplaset nga mbrapa. Ndonëse dhimbja duket e rezistueshme, duhet të drejtoheni me të shpejtë në spital. Një injeksion me Cortizon (një steroid kundra ënjtjes) e realizuar në 24 orët e para, mund t’ju shpëtojë nga dhimbjet e fytit dhe të shtyllës kurrizore, por edhe nga ndonjë dhimbje koke e mundshme. Mbledhje nervi. Mblidhe grushtin, dhe bëjë atë sikur do godasësh një derë dhe më pas shkunde me shpejtësi gjithë krahun. Nuk mund ta bësh këtë gjë? Do të thotë se një pjesë nga vertebra tënde është zhvendosur; ka shkaktuar një mbledhje nervi si dhe tendosje të krahëve dhe kurrizit. Në 70 % të rasteve shkaktohen nga qëndrimi i papërshtatshëm dhe vetëm 30 % nga aksidentet e qafës. Në qoftë se, jeni diagnostikuar nga diçka e tillë, drejtohuni një terapeutisti. Ai do t’ju bëjë disa ushtrime Stretching, të cilat do t’ju zbusin dhimbjen dhe do të forcojnë muskujt e qafës, duke mbajtur ndërkohë, diskun vertebral në vendin që i takon të jetë. Për sa i përket pozicionit të kokës, sigurohu që, kjo e fundit të mos tendoset shumë përpara. Imagjinoni dikë që e mban kokën tejet drejt dhe që duket më shumë si një i varur me litar në tavan.

Problemi 4: DHIMBJE FYTI
Një dhimbje fyti në të shumtën e rasteve shkaktohet nga ndonjë infeksion i pjesës limfoide, që ndodhet në pjesët anësore të fytit. Por në qoftë se zgjohesh përherë me fytin e thatë dhe të ënjtur, keni të bëni me diçka më shumë se të rëndësishme. Me pak fjalë, fle me gojën hapur! Atëherë kur merrni frymë nga goja, thithni ajër të thatë dhe irritues.
Zgjidhja: Atëherë kur fle, kij kujdes që stomaku të jetë më poshtë se sa koka juaj. Kjo do të ndihmojë të thithni ajër me lehtësisht nga hunda, ku kjo e fundit është një filtrues i lagësht natyral. Vazhdon sërish të kesh dhimbje fyti? Vendos një ventilator në dhomën ku fle...

Problemi 5: LARINGITI
Një ftohje e menjëhershme sjell infeksionin e kordave vokale, të cilat thahen dhe enjten, ose iu ka filluar një kollë rebele. (Kollitja mund të ndikojë mbi enët e gjakut të kordave vokale!).
Zgjidhja: Në radhë të parë, merr Ibuprofen. Jo Aspirinë. Në qoftë se ekziston një enë gjaku e çarë, Aspirina e ndalon procesin e koagulimit (mpiksjes) së gjakut dhe rrit periudhën e shërimit. Më pas, bëni një gargarë me ujë të kripur paksa të vakët (uji i ftohtë irriton fytin) dhe mbylle gojën. Në qoftë se do të thuash ndonjë gjë, mos e thuaj si psherëtimë, pasi në këtë mënyrë forcon akoma edhe më shumë kordat vokale. Flit ngadalë!

Problemi 6: GLANDAT E ENJTURA
Glandat e buta të një madhësie sa një kokërr bizeleje, ndodhen nën maksilar dhe quhen ndryshe edhe lidhjet limfatike. Në qoftë se ato enjten sa dimensionet e një topi golfi dhe të dhembin, ndoshta keni marrë një virus apo një infeksion dentar (ose ke gëlltitur ndonjë top golfi!). Ato fryhen pasi mbushen me limfocite – celula, të cilat luftojnë infeksionin dhe e ndalojnë atë të shpërndahet në mbarë organizmin.
Zgjidhja: Në qoftë se ke një infeksion, bëj tre gjërat e mëtejshme: hidhe tutje furçën e dhëmbëve (viruset janë ngjitur në fijet e furçës dhe ato do të vonojnë shërimin tuaj), mundohu të mbllaçitësh bonbone të forta, në mënyrë që të stimulosh prodhimin e salivës (pështymës - kjo e fundit kuron disa dhimbje) dhe porosit ushqim pikant – piperi i kuq përmban Capsaicina, e cila stimulon sekrecionet dhe largon virusin. Në qoftë se, kokrrat janë më të mëdha ose nuk ri-vijnë në dimensionet normale në maksimum një muaj, shkoni tek doktori për të larguar çdo dyshim mbi një kancer të mundshëm.

Problemi 7: NDJESI MBYTJEJE
Alkooli të bën më shumë se sa të humbësh arsyen dhe këmishën në trupin tënd. Epigloti nuk është aspak i kënaqur nga lufta më e fundit me pijen. Ajo është një fibro-kartilazh i ndodhur mbi kordat vokale, - diku në pjesën e laringut, - dhe të jep ndjesinë e mbytjes, duke e çuar ushqimin në faring.
Zgjidhja: Në qoftë se ke rrëkëllirë disa gllënjka birre me kikirikë, ndërkohë që miku juaj ndodhet në tualet, bëj lëvizje të njëjta të manovrës Heimlich, ose ulu dhe bëj presion mbi abdomenin e sipërm (zonë e ndodhur nën diafragmë) me ndihmën e një objekti të fortë, siç mund të jenë anësoret e një karrigeje apo të një lavamani.

Problemi 8: KËMISHA TË GJËRA
Ke një qafë të hollë? Trashësia e qafës tuaj varet nga shumë faktorë, duke filluar nga forma e trupit, tek celuliti i trupit dhe duke mbaruar me zhvillimin muskulor.
Zgjidhja: Për të trashur qafën, vendosu me fytyrën poshtë në një tavolinë të drejtë. Vendos duart në ballë dhe në kah të kundërt bëj rezistencë. Lëvize qafën sipër dhe poshtë, deri sa muskujt e qafës të lodhen. Më pas kthehu dhe bëj të kundërtën e kësaj lëvizjeje. Dhe mos e vrisni mendjen në qoftë se do t’ju thërrasin “qafëtrashë”, pasi vetëm qafa juaj do të bëhet e tillë...