Grenlanda shumë shpejt humb akullin

Ekspertët e NASA-së kanë vërtetuar se si Grenlanda momentalisht humb afër 100 bilionë tonelata akull në vit. Këto ditë ka filluar një mision i ri për këtë agjenci kozmike amerikane, e cila për qëllim do të ketë të zbulojë se prej sa kohësh shkrihet akulli në Grenlandë. Si ndihmesë në këtë drejtim ata do të kenë edhe incizimet e reja satelitore të cilat e përcjellin këtë ndryshim natyror. Rezultatet tregojnë se Grenlanda gjatë vitit humb afër 100 bilionë tonelata akull, kurse më së shumti në periudhën 2003-2005. Sipas disa vlerësimeve, në këtë periudhë dy vjeçare ai numër është rritur në 240 bilionë tonelata. Kjo flet se Grenlanda humb 20 % më shumë sipërfaqe të akullit se sa që fiton gjatë kohës dimërore. Jay Zwally, prej ekipit shkencor që ka zbatuar hulumtimin, ka thënë se bëhet fjalë për ndryshime të mëdha dhe të rrezikshme për një periudhë aq të shkurtër kohore, duke shtuar se kjo është vetëm faza e parë në ndryshimet e mëdha klimatike të cilat pasojnë në këtë shekull