Zbulohet modeli i aeroplanit pa zhurmë

nga projektet e "aeroplanit pa zhurmë"
Zbulohet projekt i ri për aeroplanin pa zhurmë
Shkencëtarët në Londër zbulojnë sot një tip aeroplani që praktikisht nuk bën zhurmë.

Aeroplani është zhvilluar nga shkencëtarët në Britani dhe Shtetet e Baskuara dhe është projektuar që të mos dëgjohet tej perimetrit të pistës.

Zhvillimi i shpejtë i aviacionit vitet e fundit ka çuar në një rritje të zhurmave përreth aeroporteve dhe në shtegun e fluturimit.

Megjithë ndikimin e madh të aeroplanëve në ngrohjen globale, shumë vende ende planifikojnë rritje të madhe të numrit të fluturimeve.

Kështu që ideja e aeroplanëve pa zhurmë është shumë tërheqëse për sektorin e avioacionit.

Kompanitë Boeing, British Airways dhe prodhuesi i motorëve të avionëve Rolls-Royce kanë mbështetur atë që quhet Nisma e Avionëve Pa zhurmë.

40 shkencëtarë nga Universiteti i Kembrixhit në Angli dhe Instituti i Teknologjisë në Masaçusets, SHBA, kanë punuar tri vjet deri tani duke punuar në këtë projekt.

Në projektin që zbulojhet shkencëtarët janë larguar shumë nga rregullat e zakonshme të inxhinierisë së avionëve në përpjekje për të ulur në mënyrë dramatike zhurmën.

Midis shpikjeve të reja, motorët do të vendosen mbi aeroplan mbi një krah të vetëm të gjerë që do të pengojë që zhurma të shkojë drejt tokës.

Forma e avionit gjithashtu do të mundësojë uljen e tij me shpejtësi shumë më të vogël, pra me zhurmë më të vogël, dhe nuk do të ketë lëvizje të krahëve që në aeroplanët normalë bëjnë shumë zhurmë gjatë uljes.

Shkencëtarët thonë se aeroplani do të përdorë 25 për qind më pak karburant.

Megjithatë projekti ka një të metë të madhe. Shkencëtarët nuk presin që aeroplani të ngrihet në fluturim deri në vitin 2030