U paraqit automjeti më i lirë në botë

Grupi indian Tata sot ka publikuar informatat e para për automjetin më të lirë në botë – Nano.

Automjeti kompakt në tregun indian do të duhej të kushtonte rreth 100.000 rupi me tatim, respektivisht rreth 1.700 euro. Për këtë lloj çmimi, natyrisht, është dashur të ketë edhe kompromis.

Kështu që Nano nuk ka dritare elektrike, pajisje për klimatizim, e madje as jastëk ajri dhe timon hidraulik. Motori i vendosur prapa prej 624 kubikësh i cili zhvillon 33 KF, i mundëson Nano-s arritjen e shpejtësisë maksimale prej 100 km/h dhe në mesatare shpenzon më pak se pesë litra karburant në njëqind kilometra.
Si e tillë Nano i përmbush normat e Euro 4. Tata pret të shes rreth 200.000 ekzemplarë të këtij automjeti brenda vitit.