Çdo i pesti qytetar i Maqedonisë shfrytëzon internetin

Dy e treta e popullatës së Maqedonisë posedon linjë telefonike fiks, ndërsa më shumë se 70 për qind kanë celularë, ndërsa çdo i pesti qytetar shfrytëzon internet.
Sipas të dhënave të Entit shtetëror për statistikë, sivjet është rritur numri i shfrytëzuesve të celularëve, si dhe shfrytëzimi i kompjuterit dhe internetit në krahasim me vitin 2006.Shfrytëzues më të numërt të celularëve dhe të internetit janë të rinjtë nga mosha 15 deri 24 vjet. Pjesa më e madhe e popullatës asnjëherë nuk shfrytëzon telefona publik, ndëra një numër më i vogël vetëm disa herë në vit, në muaj ose në javë.Në pikëpamje të shfrytëzimit të internetit Maqedonia është mes vendeve me rritje më të madhe të numrit të shfrytëzusve, por ende më tej mbetet pas standardeve europine dhe shumicën e fqinjëve të saj. Numri i internet shfrytëzuesve në Maqedoni në shtatë vitet e kaluara është rritur për 1.219 për qind, gjegjësisht nga 30 mijë në vitin 2000 në rreth 400 mijë në vitin 2007. Nga vendet e rajonit Maqedonia është para Shqipërisë dhe Serbisë, ndërsa është pas Kroacisë, Greqisë, Bullgarisë dhe Bosnjë e Hercegovinës.