Intel ka keqpërdorur pozitën tregtare?

Prodhuesi i procesorëve kompjuterik është i dyshuar për shkelje të ligjit mbi konkurrencën tregtare në dëm të kompanisë konkurrente AMD.

Zyra e prokurorit publik të New Yorkut, Andrew Coum, ka nisur hetimin kundër Intelit sipas aktakuzës që ajo ka shkelur ligjin mbi konkurrencën tregtare.

Thuhet që Intel i ka ndaluar partnerët e saj afarist të bashkëpunojnë me prodhuesin konkurrent të çipeve AMD, prandaj prokurori ka lëshuar urdhëresë gjyqësore për konfiskimin e dokumenteve që kanë të bëjnë me marrëdhënien në mes të Intel dhe AMD.
AMD gjatë viteve të fundit ka rritur dukshëm pjesëmarrjen e saj në treg, mirëpo edhe më këtë rritje nuk është shkatërruar roli udhëheqës i Intelit në botën e prodhuesve të procesorëve.

Sipas aktakuzës, Intel ka shfrytëzuar pozitën e saj të fuqishme në treg duke rritur dukshëm çmimin për prodhuesit e kompjuterëve të cilët në kompjuterët e tyre kanë përdorur produktet e AMD-së. Si pasojë e hapjes së hetimit aksionet e Intelit kanë shënuar rënie prej 0,1 për qind.