Gjen vëthin e humbur në stomakun e peshkut

Një grua australiane pohon se e ka gjetur në stomakun e një peshku vëthin e hundës, të cilin e kishte humbur tri ditë më herët në ujin e detit.

Kristy Brittain ka thënë se e kishte humbur vëthin gjatë skijimit mbi dërrasën lundruese në Tasmania, ka raportuar Hobart Mercury. Ajo kishte menduar se kurrë më nuk do ta gjente këtë vëth.

Megjithatë ajo pohon se po të njëjtin vëth e ka gjetur derisa ishte duke e pastruar një peshk, të cilin e kishte peshkuar i fejuari i saj, Darren Triffett, tri ditë më vonë.

Ajo mendon se peshku e ka ngrënë atë, pasi që peshqit hanë çdo gjë që shkëlqen, mirëpo është befasuar se mu ai peshk e kishte ngrënë atë – pasi që numri i tyre në ato ujëra është i pafundmë.